Friday, April 6, 2012

قصة ثلاثة كاذبون

دى قصة ثلاثة كاذبون

الكاذب الاول


أنور البلكيمى. نائب فى البرلمان عن حزب النور. راح يعمل عملية تجميل فى مناخيره. عشان يغطى على العملية راح قدم بلاغ انه انضرب من بلطجية. كذبته انكشفت و حزبه فصله. و طبعا نادر بكار اعتذر. كالعادة

الكاذب الثانى


حازم ابو اسماعيل. رشح نفسه فى الانتخابات الرئاسية و هو عارف ان ماينفعش حد يترشح و احد والديه معاه جنسية اخرى بجانب المصرية. رشح نفسه و ملاء البلد بوسترات و استعرض عضلاته و هو بيقدم ورق ترشيحه. بعد ما ظهرت بوادر الكدبة سارع الى تكذيبها. لكن زى ما بيقولوا الكدب ملوش رجلين و ظهرت الحقيقة سواء من خلال الجوازات او موقع تسجيل الناخبين الامريكان فى لوس انجيلوس او من خلال زوج شقيقته. و مش هانقول حاجة عن امام مسجد بروكلين اللى اتهمه ابو اسماعيل انه شيعى و حرامى

الكاذب الثالث

الكاذب الثالث اسمه عماد عفت. شيخ ازهرى مش معروف غير لتلاميذه. هو كان رئيسا للفتوى المكتوبة بدار الافتاء و لكن محدش منا سمع عنه. ايه بقى كذبة الراجل ده. كان بينزل الميدان و يبقى وسط الثوار. مش بس وقت الثورة. لا. ده كان بينزل حتى بعد 12 فبراير. كان عنده مشكلة. مكانش عايز حد يعرف انه شيخ ازهرى فكان بيكدب. كان بيخلع ملابس الازهر و يلبس قميص و بنطلون و ينزل يقعد فى الاعتصامات و يشارك فى المظاهرات

عماد عفت كان فى اعتصام مجلس الوزراء فى شهر ديسمبر الماضى. برضو لابس قميص و بنطلون. برضو متخفى. برضو محدش عارفه. و فى يوم 16 ديسمبر اخد عماد عفت رصاصة فى قلبة. مات و مات معاه كذبه. انكشفت حقيقته. و عرفنا هو مين

المهم. الكاذب الاول مازال فى خناقته مع سما المصرى. الكاذب الثانى مازال فى حالة انكار حتى بعد ما زوج شقيقته كشف حقيقة خداعه و كذبه. اما عن الكاذب الثالث فهو موجود. موجود فى قلوبنا. فى عقولنا. موجود فى حلمنا ان يوما ما يرجع التدين المصرى السمح . موجود فى حلمنا ان يوما ما يرجع الازهر كما كان فى الماضى

الكاذب الاول و الثانى هايتنسوا. الكاذب الثالث سايظل خالد على جدران المبانى و على جدران قلوبنا

  Posted by BP at 1:07 am Comments (1)

1 Comment »

  1. Intel entrance solutions for the web of factors adds intelligence and connection to tradition systems enabling safe and seamless information circulation in between edge gadgets
    as well as information facilities and software and hardware options for developing industrial data centers that sustains factory application and dispersed analytics
    that increases functional and also situational intelligence.
    The suggested strategy includes household, workplace, retail, parks as well as
    industrial usages.

    Comment by Kina — June 24, 2015 @ 3:21 am

RSS feed for comments on this post. | TrackBack URI
You can also bookmark this on del.icio.us or check the cosmos

Leave a comment